"Intal non de Trinitât sante e indivisibil. Indrì, re cul favôr pazient di Diu, [...] o regalìn e o trasferìn al patriarcje Siart, ai siei successôrs e ae Glesie di Aquilee, la contee dal Friûl e la vile clamade Lucinins, cun ducj i derits e i beneficis che al veve il cont Luduì' inte stesse contee...[...]". Al jere il 3 di Avrîl dal 1077 cuant che a Pavie l'imperadôr Indrì IV, apene tornât de sô umiliazion a Canosse, al sancive la nassite de Patrie dal Friûl, come premi ae lealtât dal Patriarcje Siart che, intant de vuere civîl cuintri l'Imperadôr, si jere schierât de sô bande. Par chest mutîf, cheste date e je tignude a fieste de Patrie dai furlans.